Pro12: Scarlets yn dathlu

Pro12 Image copyright Celtic Rugby

Scarlets 17-41 Treviso

Roedd ochenaid o ryddhâd ym Mharc y Scarlets nos Wener wrth i'r clwb lwyddo i fynd ymlaen i rowndiau terfynol Cynghrair y Pro12.

Y cyfan oedd yn rhaid i'r tîm o Lanelli wneud oedd osgoi colli gartref i Treviso, neu gipio pwynt bonws wrth golli.

Roedd hyd yn oed hynny'n drech na nhw, ac fe ildion nhw bedwar cais a phum gôl gosb wrth golli'n drwm.

Bu'n rhaid dibynnu felly ar ganlyniad arall er mwyn gorffen yn y pedwerydd safle yn y tabl.

Leinster 37-19 Gweilch

Fe ddaeth y canlyniad hwnnw yn Iwerddon. Dim ond buddugoliaeth gyda phwynt bonws fyddai wedi bod yn ddigon i'r Gweilch oresgyn y Scarlets, ond colli oedd eu hanes.

Ceisiodd Dan Biggar brofi y dylai fod wedi cael ei gynnwys yng ngharfan y Llewod drwy sgorio cais a throsiad, ond ei wrthwynebydd Jonny Sexton fydd ar yr awyren i Awstralia ac fe sgoriodd yntau naw pwynt i sicrhau'r fuddugoliaeth.

Ulster 37-13 Gleision

Cafwydd dosbarth y meistr gan Ruan Pienaar hefyd. Sgoriodd y maswr 20 pwynt wrth i Ulster roi cweir i'r Gleision gyda chais, tair cic gosb a thri trosiad.

Doedd ymateb Rhys Patchell o 8 pwynt i'r Gleision ddim hanner digon.

Caeredin 31-24 Dreigiau

Sgoriodd un o Lewod y Dreigiau - Dan Lydiate - gais i'w dîm wrth iddyn nhw deithio i Gaeredin nos Wener.

Er hynny fe gwblhawyd noson ddiflas i'r rhanbarthau o gymru gan iddyn nhw hefyd golli ar noson olaf y tymor arferol er gwaetha' ymdrech arwrol tua diwedd y gêm.

Dim ond un o'r pedwar rhanbarth oedd ag achos dathlu felly. Chwaraeodd George North a Jonathan Davies nos Wener, ond tybed faint o Lewod y Scarlets fydd yn cael mentro i'r rowndiau terfynol gyda thaith i Awstralia ar y gweill yn y dyfodol agos.

CANLYNIADAU GEMAU'R PRO 12 - TYMOR 2012/12
CED CON DRE GLA GLE GWE LEI MUN SCA TRE ULS ZEB
Caeredin 24-32 31-24 17-21 16-17 23 - 13 16-31 18-23 28-29 22-27 14-8 41-10
Connacht 23 - 24 30-11 3-20 9-13 22-10 34-6 12-16 11-24 18 - 3 18-34 23-19
DREIGIAU 32-12 14 - 3 3-60 5-16 3-14 19-26 30-24 20-28 23-14 19-46 37-6
Glasgow 23 - 14 27-17 37 - 6 29-13 35-17 0 - 6 51-24 13-18 41-7 20-14 22-19
GLEISION 19-21 22-26 12-10 3-18 16-23 11-26 18 - 24 6-9 34-18 19-48 28-13
GWEILCH 24-7 26-9 52-19 10-28 33 - 12 19 - 10 30-15 32-3 28-3 13-16 16-15
Leinster 22-16 17-10 45-25 22-17 59 - 22 37-19 30-21 32-5 40-5 18-22 37 - 7
Munster 30-3 22-0 33-13 31 - 3 6-17 13-13 16-22 6 - 13 19-6 24-10 29-3
SCARLETS 14-13 25-15 24-13 29-6 24-6 16-23 45-20 18-10 17-41 12 - 19 22 - 13
Treviso 30-10 23-23 32 - 13 13-24 26-17 12-6 18-19 34-10 22-20 15 - 16 26-18
Ulster 45 - 20 25-0 31-5 18-10 37-13 12-16 27 - 19 20-19 47-15 29-29 26-3
Zebre 7-9 17-30 13-14 20-36 7 - 14 16-34 22-41 25-27 10-24 3-10 25 - 27

Straeon perthnasol