Georgia Williams: Dyn gerbron llys

Diflannodd Georgia Williams ar ddydd Sul, Mai 26

Mae dyn 22 oed wedi ymddangos o flaen llys yn Stafford i ateb cyhuddiad o lofruddio Georgia Williams.

Cafodd yr achos yn erbyn Jamie Reynolds ei ohirio tan Medi 6, 2013.

Ymddangosodd yn y llys trwy gyswllt fideo a chafodd ei gadw yn y ddalfa tan y gwrandawiad nesaf.

Roedd Georgia Williams yn 17 oed ac yn ddisgybl chweched dosbarth yn New College yn Wellington, Sir Amwythig.

Daeth heddlu sy'n ymchwilio i'r diflaniad o hyd i gorff mewn coedwig ger bwlch Nant-y-Garth rhwng Wrecsam a Rhuthun ddydd Gwener.

Dyw'r heddlu ddim wedi cadarnhau hynny eto, ond maen nhw'n credu mai corff Georgia a gafodd ei ganfod yno.