Damwain: heddlu yn apelio eto

Mae'r heddlu yn apelio am wybodaeth bellach yn dilyn damwain brynhawn Iau Ebrill 25 ar yr A465 ger Resolfen, i'r gogledd-ddwyrain o Gastell-nedd.

Roedd yna wrthdrawiad rhwng lori wen Renault a fan Citroen.

Dywed heddlu'r de ei bod yn awyddus i siarad gyda meddyg wedi ymddeol a stopiodd i gynnig cymorth.

Maent hefyd yn gofyn i unrhyw un arall wnaeth geisio helpu neu a welodd y ddamwain neu'r cerbydau cyn y gwrthdrawiad i gysylltu gyda nhw trwy ffonio 101 neu Taclo'r Tacle ar y rhif 0800 555 111.