Achub dau o gaiac yng Ngwynedd

Image caption Trydydd person wnaeth rhoi gwybod i'r gwasanaethau achub bod y ddau unigolyn mewn trafferthion

Mae dau berson oedd mewn caiac wedi eu hachub wedi iddyn nhw fynd i drafferthion yn Nhrefor, Caernarfon brynhawn Sadwrn.

Cafodd un ohonynt ei anfon gan hofrennydd yr RAF Fali i'r ysbyty yn dioddef o flinder tra bod y person arall wedi cyrraedd y lan ar ôl i fad achub fynd i'w nôl.

Dywedodd gwylwyr y glannau Caergybi bod yr amodau wedi bod yn rhai anodd a'i bod wedi eu cario gan y dŵr yn rhy bell o'r lan.