Roberts a Lydiate yn mynd i Ffrainc

  • 17 Mehefin 2013
Dan Lydiate a Jamie Roberts Image copyright Huw Evans picture agency

Daeth cadarnhad y bydd dau aelod arall o garfan rygbi Cymru a'r Llewod yn chwarae yn Ffrainc y tymor nesaf.

Mae clwb Racing Metro '92 wedi dweud y bydd Jamie Roberts a Dan Lydiate yn symud i'r clwb ar ôl i Roberts adael y Gleision ac ar ôl i Lydiate adael y Dreigiau.

Roedd y ddau wedi cyhoeddi eu bwriad i adael Cymru ond doedd yr un o'r ddau wedi datgelu i ba glwb y bydden nhw'n chwarae.

Mae'r ddau ar hyn o bryd ar daith gyda charfan y Llewod yn Awstralia.

Fe fyddan nhw'n ymuno â rhestr hir o chwaraewyr Cymru fydd yn chwarae y tu allan i Gymru y tymor nesaf, gan gynnwys:

  • Mike Phillips (Bayonne);
  • Luke Charteris a James Hook (Perpignan);
  • Lee Byrne (Clermont Auvergne);
  • George North (Northampton);
  • Paul James (Caerfaddon);
  • Craig Mitchell (Caerwysg).

Bydd Gethin Jenkins yn ail-ymuno gyda'r Gleision ar ôl tymor gyda Toulon.

Daeth mwy o newyddion da i'r rhanbarth cyn diwedd y tymor diwethaf wrth i Leigh Halfpenny ac Alex Cuthbert gyhoeddi y byddan nhw'n aros yng Nghaerdydd.

Straeon perthnasol