Perfformiad da gan Dai Greene

Dai Greene yn dathlu Image copyright Getty Images
Image caption Roedd Dai Greene wedi cael tymor siomedig hyd yma

Mae'r athletwr Dai Greene wedi curo ei gyd Gymro Rhys Williams yn ras y 400m dros y clwydi ym Mhencampwriaethau Prydain.

Enillodd Greene, o Lanelli, mewn 48.66 eiliad.

Roedd y ddau wedi ennill eu rowndiau rhagbrofol yn Birmingham nos Wener, gyda Williams yn sicrhau'r amser cyflymaf.

Ag yntau yn bencampwr byd ar hyn o bryd, roedd Greene - aelod o Harriers Abertawe - eisoes wedi sicrhau ei le i amddiffyn y teitl ym Moscow'r mis nesaf.

Ond llwyddodd Williams i guro ei record ei hun gydag amser o 48.85 eiliad, yntau hefyd yn cael ei ystyried ar gyfer Pencampwriaethau'r Byd felly.

Roedd Greene yn cystadlu yn Birmingham mewn ymgais i wella ei berfformiad ar ôl tymor gwael hyd yma.

Roedd Williams wedi llwyddo i guro Greene ar yr un trac yn rasys y Diamond League ddechrau'r mis - yr unig aelod o dîm Prydain i wneud hynny mewn pum mlynedd.