Criwiau'n ymladd fflamau am oriau ar Fynydd y Rhigos

Cyhoeddwyd

Mae diffoddwyr wedi bod yn ymladd fflamau am oriau oherwydd tân ledodd i ardal 30 o erwau.

Chafodd neb ei anafu.

Cafodd criwiau o Dreorci, Aberdâr a Thonypandy eu galw i Fynydd y Rhigos fore Mercher.

Cychwynnodd y tân ychydig cyn 9am yng nghoedwigaeth Beili Glas ger Treherbert.

Roedd glasbren, brws ac ychydig o wair wedi eu cynnau a hofrennydd yn gollwng dŵr ar y tân.

Erbyn amser te roedd y tân yn mudlosgi ond bydd diffoddwyr yn cadw golwg ar y safle am ychydig o ddiwrnodau.

Dolenni perthnasol ar y we

Dyw'r BBC ddim yn gyfrifol am gynnwys gwefannau allanol