BBC Cymru Fyw

Siom i Brestatyn yn Ewrop

Published
image captionRijeka 5 - 0 Prestatyn
Roedd hi'n noson siomedig i Brestatyn yng Nghwpan Ewropa, collon nhw o 5-0 yn erbyn Rijeka.
Dyma oedd ail gêm Prestatyn yn y gystadleuaeth, wedi iddyn nhw guro Metalurgs yn y rownd gyntaf.
Ond roedd y tim o Groatia llawer rhy gryf i Brestatyn yn Stadiwm Kantrida, gan ennill yn hawdd.
Bydd rhaid i ddynion Chris Hughes obeithio am berfformiad llawer gwell yn yr ail gymal os ydynt am barhau yn y gystadleuaeth.
Aeth Rijeka ar y blaen o fewn ugain munud, wrth i Benko sgorio'r cyntaf o dair gôl ar y noson.
Daeth y ddwy gôl arall un bob ochr i'r egwyl, cyn i Vedran Jugović sgorio'r bedwerydd wedi awr o chwarae.
Ond roedd mwy i ddod i'r tîm cartref, gyda'r eilydd Damir Zlomislić yn sicrhau buddugoliaeth gyfforddus yn gyda phum munud yn weddill.
Bydd yr ail gymal yn cael ei chwarae ddydd Iau, Gorffennaf 25ain.

Straeon perthnasol

  • Llwyddiant i Brestatyn yn Ewrop, ond siom i Bala ac Airbus