Dau yn euog o lofruddio'r ffermwr Llywelyn Thomas

Yn yr ystod yr achos fe feiodd Frankie Parker a Gary Smith ei gilydd am farwolaeth Llywelyn Thomas

Mae dau ddyn oedd wedi gwadu bwrw pensiynwr i farwolaeth wedi eu cael yn euog o lofruddiaeth ac o ladrata.

Cafwyd Gary Smith, 21, a'i nai Frankie Parker, 26, yn euog o ladd Llywelyn Thomas, 76, yn ei gartref yn Chittering, Sir Caergrawnt.

Yn ystod yr achos roedd y ddau wedi beio ei gilydd am yr hyn ddigwyddodd ar Ragfyr 17 y llynedd.

Roedd Llywelyn Thomas yn dod yn wreiddiol o dde Cymru ac wedi bod yn ffermio yn ardal Pen-y-bont ar Ogwr.

Ond fe symudodd i Loegr ar ôl ymddeol.

Yn y llys fe gyfaddefodd Frankie Parker y cyhuddiad o ladrata, ond fe wadodd Gary Smith y cyhuddiad.

Fe ddywedodd Smith ei fod wedi ceisio atal ei nai rhag lladd Mr Thomas.

Bydd y ddau ddyn yn cael eu dedfrydu ddydd Gwener.