BBC Cymru Fyw

Faletau yn aros gyda'r Dreigiau

Published
image captionMae'r newyddion yn hwb i'r gêm yng Nghymru.

Mae rhif wyth Cymru Toby Faletau wedi arwyddo cytundeb newydd gyda Dreigiau Gwent, fydd yn ei gadw yno tan Fehefin 2016.

Bydd rygbi yng Nghymru'n siŵr o elwa o benderfyniad Faletau, yn enwedig gan ystyried fod George North wedi gadael y wlad i fynd i chwarae yn Lloegr i Northampton.

Dywedodd Faletau: "Rwy'n falch o fod wedi ymrwymo i'r Dreigiau mor gynnar yn y tymor.

"Bydd hyn yn fy nghaniatáu i ganolbwyntio ar fy mherfformiad ar y cae a'r heriau sy'n fy wynebu'r tymor hwn.

"Mae enw da Lyn Jones [hyfforddwr y Dreigiau] a Kingsley Jones [hyfforddwr cynorthwyol] eisoes yn adnabyddus, ac rwy'n edrych ymlaen at weithio gyda nhw a datblygu'n bellach fel chwaraewr.

"Mae'n glir fod y Dreigiau yn cymryd camau i ddatblygu'r rhanbarth a'r tîm gyda nifer o bobl newydd yn ymuno â'r clwb, ar y cae ac oddi ar y cae."

Roedd cytundeb Faletau, 22, yn fod i ddod i ben ar ddiwedd tymor 2013-14.

Straeon perthnasol

  • North yn arwyddo cytundeb yn Lloegr