Beiciwr Pont-y-pŵl: Pedwar gafodd eu harestio ar fechnïaeth

Mae'r pedwar gafodd eu harestio ar amheuaeth o lofruddio beiciwr 63 oed wedi cael eu rhyddhau ar fechnïaeth tan Hydref 2.

Bu farw John Reeder o Bont-y-pŵl yn Stryd George, Pontnewynydd, Torfaen, fore Mercher.

Aed ag ef i Ysbyty Brenhinol Gwent ond bu farw oherwydd anafiadau difrifol i'w ben.

Cafodd tri dyn 18, 19 a 23 oed ac un fenyw 19 oed o ardal Pont-y-pŵl eu harestio.

Mae ditectifs yn gofyn i unrhyw un a welodd Mr Reeder ar gefn ei feic i gysylltu â nhw ar 101.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.