12 mis am ymosod ar yr actor Rhys ap William

Cafodd Rhys ap William - oedd yn chwarae rhan Cai yn Pobol y Cwm - anafiadau difrifol

Mae dyn 24 oed wedi cael ei garcharu am 12 mis am ymosod yn feddw ar actor Cymraeg.

Fe gafodd Rhys ap William o Gwm Tawe anafiadau difrifol oherwydd yr ymsodiad tu allan i dafarn yn Nhreganna, Caerdydd.

Digwyddodd yr ymosodiad ym mis Chwefror wedi buddugoliaeth Cymru yn erbyn yr Eidal ym Mhencampwriaeth y Chwe Gwlad.

Clywodd Llys y Goron Caerdydd fod Martin Frampton a'r actor wedi bod yn yfed yn drwm yn ystod y diwrnod a'r ddau wedi dechrau ffraeo.

Fe darodd Frampton yr actor a'r cyhoeddwr rygbi nes iddo ddisgyn i'r llawr a taro'i ben.

Bu yn yr ysbyty am bedwar diwrnod gyda anafiadau i'w ymennydd.