Enwi'r babi fu farw

Bu farw'r babi brynhawn Mawrth

Mae'r heddlu wedi dweud mai Alfie Sullock oedd y babi fu farw ddydd Mawrth.

Mae ei fam hefyd wedi ei enwi'n lleol fel Donna Sullock o'r Tyllgoed, Caerdydd.

Mae Heddlu Gwent wedi dechrau ymchwiliad i lofruddiaeth wedi i'r fabi farw yn yr ysbyty wedi ymosodiad yn Nelson ger Caerffili.

Cafodd Alfie ei gludo i Ysbyty'r Tywysog Charles cyn cael ei symud i Ysbyty Athrofaol Cymru lle bu farw brynhawn Mawrth.

Cyhuddo

Mae'r heddlu yn holi Michael Pearce, 32 oed o Nelson, sy' eisoes wedi ei gyhuddo o ymosod.

Fe wnaeth ymddangos gerbron Llys Ynadon Caerffili ddydd Llun, Awst 19, a bydd yn Llys y Goron Casnewydd ar Awst 29.

Dywedodd llefarydd ar ran Heddlu Gwent: "Mae Heddlu Gwent wedi lansio ymchwiliad i lofruddiaeth yn dilyn marwolaeth bachgen bach yn ardal Nelson.

"Fe wnaeth yr heddlu dderbyn galwad i gyfeiriad am 9.15pm ar ddydd Gwener, 16 Awst yn dweud fod babi ddim yn anadlu."