Damwain: Cerddwr mewn cyflwr difrifol iawn

Mae cerddwr mewn cyflwr difrifol iawn yn yr ysbyty oherwydd damwain ffordd yn oriau mân fore Llun.

Roedd y ddamwain ar yr A489 rhwng Machynlleth a Phenegoes am 1.20am pan gafodd y cerddwr ei daro gan gar Citroen Berlingo lliw arian.

Mae'r cerddwr, dyn lleol 37 oed, yn Ysbyty Bronglais, Aberystwyth, gydag anafiadau i'w ben, gwddf, coesau a breichiau.

Dylai unrhyw dystion gysylltu â Heddlu Dyfed-Powys ar 101.