Cyhuddo Rolf Harris o ymosod yn anweddus

  • 29 Awst 2013
Rolf Harris Image copyright PA
Image caption Mae Rolf Harris wedi darlledu ar y teledu ers dros 40 mlynedd

Mae'r darlledwr a'r diddanwr Rolf Harris wedi ei gyhuddo o ymosod yn anweddus ac o greu delweddau anweddus o blant.

Fe fydd yn Llys Ynadon Westminster yn Llundain ar Fedi 23 i wynebu 13 chyhuddiad.

Mae chwe cyhuddiad o ymosod yn anweddus ar ferch rhwng 15 ac 16 oed a hynny yn ystod 1980 ac 1981 a thri chyhuddiad o ymosod yn anweddus ar ferch 14 oed yn 1986.

Hefyd mae'n wynebu pedwar cyhuddiad o greu delweddau anweddus o blant rhwng Mawrth a Gorffennaf 2012.

Cafodd ei arestio'n wreiddiol fel rhan o ymchwiliad Yewtree i honiadau yn erbyn Jimmy Savile ym mis Tachwedd.

Does dim cysylltiad uniongyrchol rhwng y ddau ddyn.

Dywedodd Gwasanaeth Erlyn y Goron eu bod yn hyderus bod ganddyn nhw ddigon o dystiolaeth i orchymyn bod Mr Harris yn cael ei arestio.

Mae'r darlledwr wedi bod ar y teledu ym Mhrydain ers mwy na 40 mlynedd wedi iddo symud o Awstralia yn 1952.

Fe gafodd yr OBE a'r CBE.