Morgannwg yn dal eu tir

Cafodd Morgannwg, yn enwedig Michael Hogan, fore campus ar ail ddiwrnod eu gêm ym Mhencampwriaeth y Siroedd yn erbyn Caint yn Stadiwm Swalec.

Wrth ymateb i gyfanswm batiad cyntaf Morgannwg o 158, fe ddechreuodd Caint ar 102 am 5 wiced.

Er i Daniel Bell-Drummond sgorio 78 i'r ymwelwyr, fe lwyddodd Hogan i gipio chwe wiced yn y batiad wrth i Gaint golli gweddill eu wicedi am gyfanswm o 175.

Cafwyd un belawd o ail fatiad Morgannwg cyn cinio, ond doedd dim sgor na wicedi. Mae gan Gaint felly fantais o 17 rhediad wedi batiad cyntaf y ddau dîm.

Sgor diweddaraf :-

Morgannwg (batiad cyntaf) = 158

(ail fatiad) = 0 am 0 wiced (1 belawd)

Caint (batiad cyntaf) = 175