Apêl am garcharor sydd wedi dianc

Darren Wilcox

Mae Heddlu'r De yn apelio am wybodaeth am garcharor sydd wedi dianc o garchar Layhill yn Sir Gaerloyw.

Mae Darren John Wilcox, 33 oed, o ardal Caerdydd ac yn gyfarwydd â Phontypridd a'r Rhondda.

Disgrifir ef fel dyn gwyn tua 5'8" o daldra, o gorff cadarn a gyda gwallt byr brown a llygaid glas.

Mae hefyd wedi defnyddio'r enwau Jason Price, Darren Roberts a Damien Wilcox.

Dylai unrhyw un sydd wedi gweld Wilcox alw Heddlu'r De ar 101 neu Taclo'r Tacle ar 0800 555111.