BBC Cymru Fyw

Ymosodiad: Apêl am dystion

Published

Mae'r heddlu ym Mhorthmadog yn apelio am dystion ar ôl ymosodiad ar ddynes y tu ôl i dafarn yn y dref.

Fe ddigwyddodd yr ymosodiad rhwng 11.30pm nos Fawrth a 12.30am fore Mercher y tu ôl i dafarn Gestina yng nghanol y dref.

Cred yr heddlu fod dau ddyn wedi ymosod ar y ddynes.

Roedd hi angen triniaeth yn yr ysbyty ar ôl y digwyddiad.

Dywedodd y ditectif arolygydd Keith Jones: "Rydym yn apelio i unrhyw un all fod wedi gweld neu glywed rhywbeth y tu ôl i'r Gestina, sy'n arwain at Stryd Smith, i gysylltu gyda'r heddlu."

Dylai unrhyw un ag unrhyw wybodaeth gysylltu â'r heddlu ar 101 neu yn ddienw ar Taclo'r Tacle ar 0800 555111