Heddlu arfog yn cau strydoedd

Cafodd yr heddlu eu galw i gyfeiriad fore dydd Sadwrn

Cafodd heddlu arfog eu galw i gyfeiriad ar Ffordd Monthermer yn Cathays, Caerdydd ddydd Sadwrn.

Dywedodd Heddlu De Cymru bod nifer o strydoedd yn yr ardal wedi cael eu cau wrth iddynt geisio delio gyda'r sefyllfa.

Allai'r Arolygydd Chris Truscott ddim cadarnhau os oedd dryll neu arfau eraill yn y cyfeiriad.

Doedd yr heddlu chwaith ddim yn gallu datgelu faint o bobl oedd yn rhan o'r digwyddiad.

Dywedodd yr heddlu bod swyddogion arfog wedi cael eu gyrru yno ar gyfer "diogelwch y cyhoedd a'r plismyn".

Mae ymchwiliad i'r mater yn parhau.