Donaldson yn gydradd chweched ym Meistri Portiwgal

Gorffen yn y chweched safle wnaeth y golffiwr Jamie Donaldson ar ddiwedd pencampwriaeth Meistri Portiwgal.

Roedd y Cymro o Bontypridd dair ergyd y tu ôl i'r enillydd, David Lynn, o Loegr.

Lynn gafodd y rownd orau ddydd Sul, wyth ergyd yn well na'r safon.

Doedd neb yn medru cyrraedd ei gyfanswm o 266 ergyd, 18 ergyd yn well na'r safon dros y pedwar diwrnod.

Gorffennodd Donaldson gyda rownd o 70 ar gwrs yr Oceanico Victoria ar yr Algarve.