Ofcom yn cadarnhau cwynion

Cyhoeddwyd
ffynhonnell y llunPA
disgrifiad o’r llunMae Ofcom wedi cadarnhau'r ddwy gŵyn gan yr Arglwydd McAlpine

Mae'r corff sy'n rheoleiddio'r diwydiant darlledu, Ofcom, wedi cadarnhau dwy gŵyn yr Arglwydd McAlpine yn erbyn ITV a rhaglen Newsnight y BBC.

Cafodd yr Arglwydd McAlpine ei enwi'n gwbl anghywir fel testun ymchwiliad i honiadau o gam-drin plant mewn cartrefi plant yng ngogledd Cymru.

Daeth y gŵyn yn erbyn ITV wedi darllediad rhaglen This Morning yn ystod cyfweliad rhwng y cyflwynydd Phillip Schofield a'r Prif Weinidog David Cameron.

Yn ystod y cyfweliad dangosodd Mr Schofield restr o enwau i Mr Cameron oedd yn gysylltiedig â'r honiadau, meddai.

Cafodd y rhestr ei darlledu, ac roedd enw'r Arglwydd McAlpine arni.

Roedd y gŵyn yn erbyn rhaglen Newsnight yn sgil ymchwiliad y rhaglen i honiadau o gam-drin yng nghartref Bryn Estyn ger Wrecsam yn y 1970au a 1980au.

Er na chafodd yr arglwydd ei enwi ar y rhaglen, fe arweiniodd at ddyfalu ar y we lle cafodd ei enwi ar gam.

Ers y ddau ddigwyddiad, mae'r BBC ac ITV wedi ymddiheuro i ddo ac wedi talu iawndal sylweddol am ei enllibio.

Straeon perthnasol