Llofruddiaeth Tondu: Dyn yn y llys

Mae dyn wedi ymddangos o flaen Llys yr Ynadon ym Mhen-y-bont ar Ogwr wedi ei gyhuddo o lofruddio dyn 50 oed o ardal Tondu.

Bydd achos James Curtis, 26 oed yn cael ei glywed yn Llys y Goron Caerdydd.

Cafodd Kevin Hier ei ddarganfod yn ei gartref ddydd Mercher, Hydref 23, a bu farw yn Ysbyty Tywysoges Cymru.

Gofalwr oedd Mr Hier a dywedodd ei deulu ei fod yn "gawr mwyn".