Chwilio am fargyfreithiwr ar goll

Cafodd Gianni Sonvico ei weld am y tro diwethaf nos Gwener

Mae Heddlu Llundain yn chwilio am fargyfreithiwr 23 oed o Gymru sydd ar goll ers Hydref 25.

Yn wreiddiol, roedd Gianni Sonvico o Wdig yn Sir Benfro ond mae'n byw yn Islington.

Fe aeth i Ysgol y Preseli yng Nghrymych.

Fe gafodd ei weld am 11.00yh ddydd Gwener yn Tower Hill yn Llundain ac roedd yn gwisgo siwt ddu a chrys porffor.

Mae'n gweithio i Gomisiwn y Gyfraith yn Llundain.

Mae cyn-bennaeth Ysgol y Preseli, Martin Lloyd, wedi dweud ei fod yn ddisgybl "disglair a hoffus tu hwnt".

Dywedodd yr heddlu: "Mae ei ddiflaniad yn hollol annodweddiadol."

Dylai unrhywun â gwybodaeth ffonio ditectifs ar 07766 781 861 neu 101 neu Pobl ar Goll ar 116 000.