Ymosod difrifol yng Nghaerdydd: Apêl am wybodaeth

Mae'r heddlu'n apelio am wybodaeth wedi i ddyn 21 oed gael anafiadau difrifol i'w ben yng Nghaerdydd dros y penwythnos.

Cafodd dyn 40 oed ei gyhuddo o achosi niwed corfforol difrifol.

Mae'r dioddefwr yn Ysbyty Athrofaol Cymru yng Nghaerdydd.

Dywedodd y ditectif arolygydd Julian Bull: "Digwyddodd yr ymosodiad ar Ffordd y Brenin ger Banc Lloyds tua 12:40am ddydd Sul Hydref 27.

"Roedd llawer o bobl yn yr ardal ar y pryd ac rydym yn gofyn iddyn nhw gysylltu gyda ni."

Dylai unrhyw un â gwybodaeth ffonio 02920 527420 neu Taclo'r Tacle yn ddienw ar 0800 555 111.