Saethu Casnewydd: Arestio dau arall

Cyhoeddwyd
Disgrifiad o’r llun, Mae'r heddlu yn dweud fod pobl wedi saethu at bobl eraill yn dilyn gwrthdrawiad

Mae Heddlu Gwent wedi arestio dau ddyn arall mewn cysylltiad â saethu a ddigwyddodd yng Nghasnewydd ar 3 Medi.

Dywedodd yr heddlu fod dau ddyn, un yn 22 a'r llall yn 46, wedi eu harestio ar amheuaeth o gynllwynio i lofruddio.

Maen nhw wedi cael eu rhyddhau ar fechnïaeth tra mae'r heddlu yn ymchwilio.

Mae'r heddlu eisoes wedi cyhuddo Brogan Joseph Hooper, 20, a Lewis Bridge, 22, o geisio llofruddio yn dilyn y digwyddiad ac mae dyn arall sy'n 24 wedi cael ei ryddhau ar fechnïaeth.

Ar 3 Medi fe wnaeth rhywrai saethu at gerbyd yn dilyn gwrthdrawiad ar Ffordd Cas-Gwent, am tua 11:30yh.

Straeon perthnasol

Dolenni perthnasol ar y we

Dyw'r BBC ddim yn gyfrifol am gynnwys gwefannau allanol