Gwrthdystio yn erbyn bwriad i gau pyllau nofio yn Wrecsam

Mae'r cyngor yn ceisio darganfod ffyrdd i arbed miliynau o bunnoedd

Mae rhwng 250 a 300 o brotestwyr yn cynnal gwrthdystiad y tu allan i Ganolfan pwll nofio Plas Madoc yn Wrecsam.

Maen nhw'n anhapus gyda chynlluniau Cyngor Sir Wrecsam i gau'r ganolfan.

Bwriad y cyngor yw cau'r ganolfan yma a chanolfan Waterworld yng nghanol y dre a chodi adeilad newydd yn eu lle.

Eisoes mae dros 1,300 o bobl eisoes wedi arwyddo deiseb yn gwrthwynebu unrhyw son am gau'r canolfannau.

Ond mae'r cyngor yn dweud bod angen gwneud arbedion o £45 miliwn dros y pum mlynedd nesa'.

Mae'r awdurdod wedi bod yn adolygu 11 o gyfleusterau hamdden a chwaraeon y sir .

Mae cynnal a chadw'r canolfanau hamdden yn costio £1.8 miliwn. Ond os oes modd eu had-drefnu gallai'r cyngor arbed mwy na £2 filiwn dros bum mlynedd.