Toulon 43-20 Gleision

Image copyright AP

Image caption Er yr ymdrechion i lorio Toulon, y tîm o Ffrainc yn rhy gry' i'r Gleision

Roedd pac cry Toulon yn rhy gryf ar gyfer Y Gleision wrth i'r tîm cartref a deiliaid Cwpan Heineken i gyrraedd rownd yr wyth ola'.

Roedd troed Jonny Wilkinson yn allweddol wrth iddo sgorio 23 o bwyntiau.

Fe wnaeth y Gleision arwain am gyfnod byr ar ôl i Filo Paulo groesi am gais cyn i Sam Hobbs gael cais hwyr yn y gêm, a oedd eisoes wedi ei ennill gan y tîm cartref.

Fe wnaeth Leigh Halfpenny drosi'r ddwy gais a chael dwy gic gost.

Fe gafodd pedwar o'r Gleision eu hanfon i'r gell gosb yn ystod y gêm am bwysau di-angen.

Gyda'r Gleision allan o'r gwpan fe all y rhanbarth dargedu lle yng Nghwpan Her Amlin pan fyddan nhw'n wynebu Caerlŷr y Sadwrn nesaf.

Roedd 'na fyd o wahaniaeth rhwng y ddau dîm a bydd rhaid i'r Gleision ddangos cryfder tebyg yn y dyfodol.

Y Gleision ennill yn anisgwyl yn erbyn Toulon yng Nghaerdydd yn yr hydref yn y gystadleuaeth ond methu wnaeth carfan Phil Davies i efelychu'r gamp.