BBC Cymru Fyw

Cais i ddymchwel fflat Nikitta Grender

Published
image copyrightOther
image captionNikitta Grender

Fe allai fflat lle gafodd merch feichiog 19 oed ei llofruddio gael ei ddymchwel.

Mae'r adeilad yng Nghasnewydd wedi bod yn wag ers bron i dair blynedd wedi llofruddiaeth Nikitta Grender.

Cafodd Carl Whant, 28, ei garcharu am 35 o flynyddoedd am lofruddio Ms Grender, a oedd yn disgwyl babi ymhen pythefnos.

Ar ôl ei llofruddio fe wnaeth Whant roi'r adeilad ar dân.

Nawr mae cymdeithas dai Newport City Homes, perchnogion y fflat, wedi gwneud cais am ganiatâd i'w ddymchwel.

Mae rhieni Ms Grender a'i chariad hefyd wedi galw am ddymchwel yr adeilad.

Cefnogi'r cais

Dywedodd y cynghorydd Allan Morris, ei fod yn cefnogi'r cais.

image copyrightbbc
image captionFe fyddai'r fflat yn cael ei ddymchwel eleni

"Mae wedi bod yn gyfnod anodd ond mae'r penderfyniad yn parchu dymuniad teulu Nikitta a nawr gobeithio ei fod yn rhoi cyfle i symud ymlaen."

Pe bai yna ganiatâd cynllunio, fe allai'r fflat ac adeilad cyfagos gael eu dymchwel yn ddiweddarach eleni.

Mae'n bosib y bydd adeilad newydd yn cael ei godi ar y safle.

Cafodd Whant ei garcharu yn Chwefror 2011 am lofruddiaeth, treisio, dinistrio babi a chynnau tân.

Straeon perthnasol

  • Nikitta Grender: Carl Whant fails to have 35 year sentence cut

  • Nikitta Grender family: 'We will never deal with tragic event'