Gwyddelod Llundain 29 - 10 Scarlets

Mae'r Scarlets wedi colli eu gêm olaf yng Nghwpan LV= y tymor hwn.

Fe ildion nhw'r cais cyntaf ar ôl cwta dri munud, gydag Andrew Fenby yn sicrhau'r pwyntiau.

Daeth ceisiau eraill yn fuan wedyn gan Shane Geraghty, Jamie Hagan a Sailosi Tagicakiba ac roedd y Gwyddelod yn edrych yn gyfforddus iawn.

Fe gafodd George Earle gais i'r Scarlets ddeng munud o'r diwedd, i ychwanegu at gic gosb Josh Lewis, ac fe lwyddodd Gareth Owen i drosi.

Ond fe gadarnhaodd cais arall i'r Gwyddelod, gan Myles Dorrian y tro hwn, mai diwrnod i'w anghofio fyddai hwn i'r cochion.

Un llygedyn o olau oedd bod Jonathan Davies wedi llwyddo i gwblhau 40 munud, wrth iddo geisio dod 'nôl o'i anaf.

Mae posibiliad y gall Davies ymuno a charfan Cymru ar gyfer cystadleuaeth y Chwe Gwlad.