Everton 3 - 1 Abertawe

Steven Naismith oedd y gwahaniaeth ddydd Sul, gan chwarae rhan mewn dwy gôl

Roedd rhaid i Everton weithio'n galed i guro Abertawe a chyrraedd wyth olaf y Cwpan FA ym Mharc Goodison ddydd Sul.

Roedd Garry Monk wedi newid wyth o'r chwaraewyr o'r tîm chwaraeodd Stoke ganol wythnos, ond er pwysau cynnar gan Abertawe, Everton aeth ar y blaen o fewn pum munud.

Lacina Traore, yn chwarae ei gêm gyntaf i Everton ar fenthyg o Monaco, yn rhwydo o groesiad Sylvain Distin i roi dechrau perffaith i'r Toffees.

Ond daeth yr Elyrch yn ôl yn sydyn wrth i Neil Taylor groesi yn berffaith i Jonathan de Guzman benio heibio Robles yn y gôl.

Cafodd Everton nifer o gyfleoedd i fynd ar y blaen eto cyn yr egwyl, gyda Pienaar a Traore yn mynd yn agos.

Eilydd Everton, Steven Naismith newidiodd y gêm, gan fanteisio ar gamgymeriad Neil Taylor i roi tîm Roberto Martinez ar y blaen eto.

Ceisiodd Taylor basio yn ôl i'r golwr, Gerhard Tremmel, ond neidiodd Naismith ar y cyfle a saethodd y bêl o dan Tremmel.

Roedd Naismith hefyd yn rhan o'r drydydd, wrth iddo gael ei daclo yn y cwrt cosbi gan Ashley Richards.

Leighton Baines rwydodd o'r gic o'r smotyn.

Mae'r fuddugoliaeth yn golygu bod Martinez yn dal i fod hefo cyfle i ennill y gystadleuaeth am ddwy flynedd yn olynol, wedi iddo symud o Wigan i Everton yn yr haf.

Everton 3 -1 Abertawe

Everton: Robles, Coleman, Jagielka, Distin, Baines, McCarthy, Barry, Mirallas, Barkley, Pienaar, Traore

Eilyddion: Hibbert, McGeady, Deulofeu, Naismith, Osman, Howard, Stones.

Abertawe: Tremmel, Richards, Bartley, Amat, Taylor, Canas, de Guzman, Hernandez, Routledge, Lamah, Vazquez

Eilyddion: Vorm, Williams, Britton, Bony, Dyer, Lita, Tiendalli.