BBC Cymru Fyw

BAFTA i Gymro am ffilm gyntaf

Published
image captionDiolchodd Kieran Evans i'w deulu yng Nghymru
Enillodd y cyfarwyddwr o Gymru, Kieran Evans, wobr BAFTA am ffilm gyntaf neilltuol gan awdur, cyfarwyddwr neu gynhyrchydd o Brydain.
Daeth y wobr am ei ffilm Kelly + Victor sy'n adrodd hanes cwpwl ifanc ar ddechrau carwriaeth.
Derbyniodd Mr Evans, o Dyddewi yn Sir Benfro, y wobr mewn seremoni fawreddog yn y Tŷ Opera Brenhinol yn Llundain nos Sul a gafodd ei darlledu'n fyw ar BBC ONE.
Wrth dderbyn y wobr, diolchodd i'w deulu a'i gyfeillion o Gymru am eu cefnogaeth.