Rhybudd am law a gwyntoedd cryfion yn y gogledd

Image copyright PA

Image caption Mae disgwyl i'r gwynt a'r glaw barhau tan fore Llun yn y gogledd

Mae'r Swyddfa Dywydd yn rhybuddio y gallai glaw trwm achosi llifogydd ar gyfer yn rhannau o ogledd Cymru ddydd Sul a dydd Llun.

Maen nhw wedi cyhoeddi rhybudd melyn i bobl yn ardaloedd Gwynedd a Chonwy fod yn ymwybodol tan fore Llun.

Gallai cymaint ag 80mm (3 modfedd) o law ddisgyn ar y bryniau.

Mae disgwyl hefyd gwyntoedd cryfion, gyda phosibilrwydd y bydd y gwynt yn cyrraedd 60 milltir yr awr ar yr arfordir neu ar fryniau a hyd yn oed 70 milltir yr awr mewn rhai lleoedd.

Ar Bont Britannia, rhwng Ynys Môn a Bangor, mae cyfyngiad o 30 milltir yr awr o achos y gwynt.

Daw'r rhybudd diweddaraf wedi i'r Swyddfa Dywydd gyhoeddi bod Cymru wedi cael ei gaeaf gwlypaf ers 1910.

Dyma'r flwyddyn y dechreuon nhw fesur faint o law oedd yn disgyn.

Yn ôl eu ffigyrau nhw, mae 690mm (dros 2 droeddfed) o law wedi cwympo yn y tri mis diwethaf.

Y swm cyffredin fel arfer yn ystod y gaeaf yng Nghymru ydy 434mm, sef tua 17 modfedd.