Tywysog Charles yng Nghymru
- Cyhoeddwyd
Mae'r Tywysog Charles wedi bod yn y gorllewin a'r de ddydd Gwener.
Yn gynta' fe aeth i gyfarfod â milwyr Gwarcheidwaid Marchfilwyr y Frenhines oedd yn ymarfer yn Castlemartin yn Sir Benfro.
Y tywysog yw'r prif gyrnol.
Wedyn ymwelodd â Thŷ Llanelly yn Llanelli er mwyn cael golwg ar ddatblygiadau yn sgil prosiect adfer ar gost o £7m.
"Mae hyn wedi creu argraff fawr arnaf," meddai, "ac rwyf yn dymuno pob llwyddiant i Ymddiriedolaeth Treftadaeth Sir Gaerfyrddin."
Dywedodd Claire Deacon, y prif weithredwr: "Mae wastad wedi bod yn cefnogi hen adeiladau ac mae hwn yn gyfle i ni dynnu sylw at y dre' a dweud bod yr adeilad hwn ar agor."
Yna ymwelodd â hen neuadd y dre' ym Merthyr fydd yn agor Ddydd Gŵyl Dewi yn sgil prosiect adfer ar gost o £8m.
Yno bydd canolfan diwydiannau creadigol.