Hwylfyrddiwr profiadol wedi boddi
- Cyhoeddwyd
Mae hwylfyrddiwr profiadol wedi marw mewn damwain ar yr Ynysoedd Dedwydd.
Bu farw Vic Pinheiro, 64 oed, o Abertawe, tra'n hwylfyrddio.
Roedd Mr Pinheiro yn hyfforddwr hwylfyrddio yng Nghlwb Hwylio'r Mwmbwls, ac roedd wedi dysgu cannoedd o bobl sut i hwylfyrddio.
Roedd yn teithio dramor yn aml ac roedd yn El Medina yn Tenerife pan fu farw, ardal sy'n adnabyddus am fod yn le da i hwylfyrddio.
Dywedodd y capten hwylio'r clwb yn y Mwmbwls, Tim Ley: "Mae'n gadael rhodd arbennig o fod wedi creu nifer o hwylfyrddwyr. Fe'n gadawodd ni tra'n gwneud yr hyn roedd o'n ei garu."
Dywedodd llywydd y clwb ei fod yn golled drasig i'r gamp: "Roedd wedi gweithio fel ein prif hyfforddwr, gan fentora cannoedd o blant ac oedolion i hwylio a hwylfyrddio.
Fe gafodd ei angladd ei gynnal yn Tenerife a bydd gwasanaeth coffa yn cael ei chynnal yng Nghymru.
Mae llefarydd ar ran y Swyddfa Dramor yn dweud eu bod yn ymwybodol o farwolaeth Prydeiniwr ar Fawrth 6 yn Tenerife, a'u bod yn cynnig cymorth i'r teulu yn y cyfnod anodd hwn.