Dynes yn fyw ac iach

Roedd yr heddlu wedi cael eu galw am ddiflaniad y wraig am 8.30 nos Lun

Mae Gwylwyr y Glannau yn Aberdaugleddau yn dweud eu bod wedi dod o hyd i wraig fu ar goll.

Fe ddaethwyd o hyd i'r wraig 66 oed yn iach a diogel yn oriau mân y bore.

Dywedodd gwylwyr y glannau ei bod yn edrych yn ofidus.

Roedd yr heddlu wedi cael eu galw am ddiflaniad y wraig am 8.30 nos Lun.

Bu tîm gwylwyr y glannau'n chwilio aber yr afon Teifi.

Does dim mwy o wybodaeth ar hyn o bryd.