Tân Bangor: dyn wedi ymddangos yn y llys

Tân Three Crowns
Image caption Mi aeth tafarn y Three Crowns ym Mangor ar dân yn ystod oriau mân bore Sul

Mae dyn wedi bod yn y llys wedi i dafarn gael ei rhoi ar dân dros y penwythnos.

Cafodd Mark Parry, 35 oed, ei gyhuddo o losgi bwriadol gyda'r bwriad o beryglu bywydau a llosgi bwriadol heb ystyried a oedd yn peryglu bywyd.

Yn oriau mân bore Sul, Mawrth 30, aeth Tafarn y Three Crowns ym Mangor ar dân.

Cafodd chwech o bobl eu hanafu.

Mae'r darlithydd, Jason Robertshaw, 29 oed, mewn cyflwr "difrifol iawn ond sefydlog" yn Ysbyty'r Frenhines Elisabeth ym Mirmingham.

Cafodd anafiadau difrifol oherwydd bu raid iddo neidio allan o ffenest ar yr ail lawr.