Seintiau Newydd yn bencampwyr

Y Seintiau Newydd 1-1 Airbus UK Brychdyn

Mae'r Seintiau Newydd wedi cael eu coroni'n swyddogol yn Bencampwyr Uwchgynghrair Cymru am y trydydd tymor yn olynol.

Er bod buddugoliaeth y Seintiau yn erbyn Y Drenewydd ddeng niwrnod yn ôl wedi golygu eu bod yn bencampwyr yn barod i bob pwrpas, roedd posibilrwydd mathemategol y gallai Airbus eu dal.

Diffoddwyd y gobaith yna yn Neuadd y Parc ddydd Sadwrn.

Mike Wilde roddodd y tîm cartref ar y blaen wedi 33 munud, ac fe aeth talcen caled y tîm o Frychdyn yn galetach fyth.

Roedd pwynt yn ddigon, a dyna'r cyfna a gawson nhw diolch i gôl o'r smotyn gan Tom Field bedwar munud cyn y diwedd.

Ond am y trydydd tymor yn olynol mae'r Seintiau wedi sicrhau'r bencampwriaeth gyda tair gêm yn weddill.

Cafodd pedair gêm arall eu chwarae ddydd Sadwrn, a dyma'r canlyniadau:

Caerfyrddin 2-1 Rhyl;

Gap Cei Connah 2-0 Port Talbot;

Drenewydd 3-1 Bangor;

Prestatyn 4-0 Lido Afan.