Enwau babis Cymru 2013 - 2014

29 Ebrill 2014

Tomos, Elis, Jac, Efa a Mari yw rhai o enwau babis mwyaf poblogaidd gwrandawyr Radio Cymru yn ôl cyfarchion gafodd eu hanfon i'r orsaf yn ystod y flwyddyn ddiwethaf (Mai 2013 - Ebrill 2014.)

Isod mae pedwar tabl gyda'r enwau cyntaf a'r ail enwau mwyaf poblogaidd o'r rhai sydd wedi cael eu hanfon i mewn at raglenni Dafydd a Caryl tan Chwefror 2014 a rhaglen Dylan Jones fis Mawrth ac Ebrill eleni.

Roedd hi'n arfer misol ar raglen Dafydd a Caryl i ddathlu geni babanod Cymru gydag artist gwahanol yn cyfansoddi cân yn cyfeirio at fabis y mis hwnnw.

Erbyn hyn ar raglen Dylan Jones bob bore ar BBC Radio Cymru, mae pawb sy'n cysylltu â'r rhaglen i gyfarch babi newydd yn derbyn bib Dylan Jones.

Dyma'r dyluniad ar fib rhaglen Dylan Jones

Yr adeg yma flwyddyn ddiwethaf, fe wnaethon ni gyhoeddi rhestr o enwau babis Mai 2011 i Fai 2013 ar y wefan, ac fe welwch chi bod na rai enwau yn parhau yn y rhestr tra bod yr enwau ar y brig wedi newid.

Enwau cyntaf mwyaf poblogaidd - BECHGYN

1 Tomos (10)

=1 Elis / Ellis (10)

2 Jac (9)

3 Osian (8)

4 Gruffudd / Gruffydd (7)

5 Ioan (6)

=5 Ifan (6)

=5 Guto (6)

=5 Caio (6)

=5 Efan (6)

=5 Hari / Harri (6)

Enwau cyntaf mwyaf poblogaidd - MERCHED

1 Efa (7)

=1 Mari (7)

2 Elin (6)

3 Elsi (5)

=3 Cadi (5)

=3 Lili / Lily (5)

4 Mali (4)

=4 Beca / Becca (4)

=4 Ela (4)

=4 Elen (4)

=4 Erin (4)

=4 Lois (4)

Ail enwau mwyaf poblogaidd - BECHGYN

1 Wyn (9)

=1 Rhys (9)

=1 Llywelyn / Llewelyn (9)

2 Llyr (5)

=2 Jac (5)

=2 Ifan (5)

=2 Hedd (5)

3 William (4)

=3 Elis / Ellis (4)

=3 Gwilym (4)

=3 Dafydd (4)

Ail enwau mwyaf poblogaidd - MERCHED

1 Fflur (11)

2 Mai (8)

3 Mair (6)

4 Grug (5)

=4 Haf (5)

=4 Wyn (5)

5 Lili (4)

=5 Alaw (4)

6 Medi (3)

=6 Elin (3)

=6 Dafydd (3)

=6 Ann (3)

=6 Angharad (3)

Mae na gyfanswm o 202 o enwau bechgyn a 191 o enwau merched, gyda rhai enwau unigrwy hyfryd yn sefyll allan. Brython, Ceulan, Dulas a Gwrhyd i fechgyn a'r merched Arria, Blathnaid a Syri.