Rhybudd melyn o law trwm i Gymru

Heavy rain Image copyright AFP
Image caption Mae yna rybudd i yrwyr fod yn ofalus wedi rhagolygon o law trwm

Mae pryder y gallai glaw trwm a thywydd garw achosi problemau ar hyd a lled Cymru ddydd Iau.

Mae'r Swyddfa Dywydd wedi cyhoeddi rhybudd melyn ar gyfer rhannau o dde a dwyrain Cymru, gan gynnwys Powys a rhannau o'r cymoedd, rhwng hanner dydd ac 8pm.

Gall hyn achosi llifogydd ac achosi problemau i deithwyr.

Does dim disgwyl tywydd garw yn y gogledd orllewin a'r de orllewin ond mae yna rybudd i bobl gysylltu gyda'r Swyddfa Dywydd rhag ofn bod y sefyllfa yn newid.

Yn ôl y Swyddfa Dywydd fe allai rhwng 10-15 mm (4-6 modfedd) o law syrthio mewn awr, a chymaint â 30-40 (1tr-1.3tr) mewn tair awr mewn ambell i ardal.

Dywedodd dyn tywydd BBC Cymru, Derek Brockway na fydd pob ardal yn dioddef.

"Mae'n debyg y bydd sir Benfro yn ffodus, ac yn cael p'nawn sych a hyd yn oed heulwen.

"Fe fydd y cawodydd yn lleihau nos Iau ac mae disgwyl tywydd gwell dydd Gwener."

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.