Rhagolwg tywydd: Urdd yn gohirio gŵyl chwaraeon

Y bwriad yw aildrefnu ar gyfer penwythnos Mehefin 14 a 15.

Mae'r Urdd wedi penderfynu gohirio eu Gŵyl Chwaraeon Cynradd oedd i fod yn Aberystwyth dros y penwythnos.

Y rheswm yw'r rhagolwg y byddai'r tywydd yn wael.

Dywedodd llefarydd: "Yn anffodus, mae'r Urdd wedi gorfod gwneud y penderfyniad i ohirio Gŵyl Chwaraeon yr Urdd ...

"Rydym wedi ymgynghori gyda'r awdurdodau ac o ganlyniad i ragolygon tywydd gwael iawn ni fydd hi'n bosib i ni osod strwythurau a chynnal yr ŵyl yn ddiogel.

"Ein bwriad ni yw aildrefnu ar gyfer penwythnos Mehefin 14 a 15."

Am fwy o fanylion mae modd ffonio 02920 635688 neu e-bostio [e-mail]

Eleni y thema yw Gemau'r Gymanwlad ac fe fydd pob rhanbarth yng Nghymru yn derbyn yr her i gynrychioli gwlad.

Mae'r Urdd wedi awgrymu y dylai cystadleuwyr greu baneri neu arwyddion a bydd gwobr o £100 at nwyddau chwaraeon i'r ysgol â'r faner orau.