Tywydd garw: Anaf arwydd siop

Cafodd un person fân anafiadau ar ôl i arwydd siop ddisgyn mewn stryd siopa brysur ym Mhenarth.

Galwyd yr heddlu i Ffordd Windsor, Penarth am 12:36 dydd Sadwrn.

Yn ôl llefarydd yr heddlu :

" Mae'n ymddangos bod (yr arwydd) wedi cael ei chwythu gan y gwynt ac fe ddaeth e lawr. Does neb arall wedi brifo".

Cafodd y gwasanaeth tân ac achub eu galw yno hefyd er mwyn sicrhau fod yr ardal yn ddiogel.

Image copyright James MacGregor
Image caption Coeden yn disgyn yn Brynmill, Abertawe

Galwadau brys

Cafwyd adroddiadau hefyd o wyntoedd cryfion yn achosi problemau gan gynnwys coed yn disgyn.

Cafodd y gwasanaethau brys alwadau mewn sawl ardal gan gynnwys

Abertawe, Abercynon, Llanofer, Tonyrefail, Llantrisant a Bae Caerdydd.

Fe ddisgynnodd un goeden yn beryglus o agos at geir yn ardal Brynmill, Abertawe. Yn ôl yr heddlu, anafwyd neb yn y digwyddiad