Ymchwiliad yn parhau i ddamwain awyren Caernarfon

Maes Awyr Caernarfon
Image caption Mae ymchwilwyr ar y safle ddydd Gwener

Mae enw'r dyn fu farw mewn damwain awyren ym Maes Awyr Caernarfon wedi cael ei gyhoeddi.

Roedd Ashley Hazelwood yn 61 ac yn dod o Fae Cinmel yn y Rhyl.

Mae ymchwiliad i'r digwyddiad ddydd Iau yn parhau.

Cafodd Mr Hazelwood ei gludo i'r ysbyty ar ôl i awyren fach blymio i'r ddaear ar y llain lanio am 18:00, a bu farw o'i anafiadau.

Ar eu gwefan dywed yr Uned Ymchwil Damweiniau Awyr fod tîm wedi ei anfon i ymchwilio.

Dywedodd llefarydd o barc carafanau cyfagos ei fod wedi gweld diffoddwyr tân, ambiwlans awyr a cheir yr heddlu ar y safle wedi'r ddamwain.

Image copyright BBC news grab
Image caption Digwyddodd y ddamwain yng Nghaernarfon nos Iau

Straeon perthnasol