Northampton 30 - 16 Caerfaddon yn gêm derfynol Cwpan Amlin

Stephen Myler, maswr ac arwr Northampton wrth iddyn nhw ennill cwpan Amlin yng Nghaerdydd.

Bydd George North yn gwenu wedi iddo ddychwelyd i Stadiwm y Mileniwm yng Nghaerdydd a chipio cwpan Amlin gyda'i glwb Northampton.

Roedd Gavin Henson ymhlith eilyddion Caerfaddon. Daeth ymlaen i'r cae ar ôl 62 munud ond methodd newid cwrs y gêm.

Mewn gwirionedd cicio oedd yn bwysig, gyda rhedeg grymus George North a chlo Lloegr Courtney Lawes yn cael ei amddiffyn gan Gaerfaddon.

Ciciodd maswr Northampton, Stephen Myler chwech o giciau cosb tra methodd George Ford amryw o giciau tuag at y pyst.

Roedd Caerfaddon ar y blaen ar hanner amser o 13 bwynt i dri yn dilyn cais yn erbyn y chwarae gan Anthony Watson.

Yn yr ail hanner torrodd Caerfaddon o dan bwysau Northampton, gan ildio ciciau cosb yn ogystal â cheisiau gan Phil Dowson a chyn-gefnwr Lloegr, Ben Foden.

Northampton (6) 30

Cais: Dowson, Foden. Tros Myler: Ciciau Cosb Myler 6

Caerfaddon (13) 16

Cais: Watson Tros Ford. Ciciau Cosb Ford 3