Cymru yn dewis tîm triathlon
- Cyhoeddwyd
Mae Cymru wedi cynnwys dau bencampwr y byd yn y tîm triathlon ar gyfer Gemau'r Gymanwlad yn Glasgow.
Bydd Helen Jenkins a Non Stanford yn rhan o dîm o chwech fydd yn cynrychioli Tîm Cymru.
Fe wnaeth Jenkins o Ben-y-bont ar Ogwr ennill pencampwriaeth ITU y Byd yn 2011, gyda Stanford yn efelychu'r gamp yn 2013.
Hefyd wedi ei dewis yn y tîm mae Holly Lawrence, 23 oed.
Dyw Lawrence ond wedi bod yn cystadlu fel athletwraig llawn amser am fynnod byr, ond llwyddodd i greu argraff ar y dewiswyr drwy orffen yn y seithfed sale yng Nghwpan Quateria ETU yn 2014.
Y dynion sydd wedi eu dewis fel rhan o dîm Cymru yw Morgan Davies, myfyriwr 19 oed o Ben-y-bont ar Ogwr, Liam Lloyd, 20 oed, o Lanelli ac Alex Matchett, 21 oed, o Hwlffordd.
Dywedodd Chris Jenkins, prif weithredwr Cyngor Gemau'r Gymanwlad Cymru: "Mae'n ffantastig o ran Cymru i weld triathlon yn ôl fel cystadleuaeth yn y Gemau.
"Mae'n gamp lle rydym wedi cael llwyddiant a dwi'n methu ag aros i weld dau o bencampwyr y byd yn cynrychioli'r tîm yn Glasgow."