Ffarwelio ar gyfer Gemau'r Gymanwlad

Baneri Gwledydd y Gymanwlad yn croesawu'r baton i Aberdâr

Mae dros 100 o'r 202 o athletwyr sydd wedi eu dewis hyd yn hyn i gystadlu dros Dîm Cymru yng ngemau'r Gymanwlad yn Glasgow 2014 yn ymgynnull yn Stadiwm SWALEC Caerdydd ddydd Mercher i ffarwelio'n swyddogol.

Ymhlith yr athletwyr fydd yn bresennol mae Dai Greene, Helen Jenkins ac Aled Davies.

Yno i ffarwelio a nhw, saith wythnos cyn seremoni agoriadol y Gemau, fydd y prif weinidog, Carwyn Jones, saith wythnos cyn seremoni agoriadol y Gemau.

Mae Brian Davies, rheolwr perfformiad uchel yn Chwaraeon Cymru, wedi cael ei benodi'n ffurfiol yn Chef de Mission i Dîm Cymru a bydd yn gyfrifol am arwain y tîm i'r Gemau yn Glasgow.

Dywedodd Mr Davies, "Mae'n anrhydedd mawr i mi gael fy mhenodi fel Chef de Mission ar gyfer y tîm.

"Rwy'n hyderus y gallwn ddarparu Gemau gwych i Gymru".

Bydd yr athletwr a ddewiswyd i fod yn gapten ar Dîm Cymru yn cael ei gyhoeddi yn ystod y seremoni ffarwelio. .

Dywedodd y Prif Weinidog, Carwyn Jones; "Hoffwn ddymuno "pob lwc" enfawr i'r tîm cyfan, gan gynnwys pawb sy'n gweithio'n galed yn y cefndir.

"Mae'r genedl gyfan y tu ôl i chi"