Talcen caled i Gaint yn erbyn Morgannwg
- Cyhoeddwyd
Michael Hogan oedd bowliwr mwyaf llwyddiannus Morgannwg ddydd Sul
Mae Morgannwg wedi dechrau'n addawol yn eu batiad cyntaf yn erbyn Caint yn y bencampwriaeth yng Nghaerdydd.
Wedi 42 o belawdau roedd Morgannwg 189-1 oherwydd safiad Rudolph (90 o rediadau) a Wallace (82).
Yn eu batiad cyntaf cafodd Caint gyfanswm o 253 o rediadau.
Roedd yr ymwelwyr wedi dechrau'n dda, gan sgorio 74 am y wiced gyntaf diolch yn bennaf i Robert Key.
Ond pan aeth y wiced gyntaf i Andrew Salter fe ddilynodd sawl un arall ac ar un adeg roedd Caint 157 am 6 wiced.
Michael Hogan oedd bowliwr mwya' llwyddiannus y tîm cartref, gan gipio tair wiced.
Morgannwg v Caint, Pencampwriaeth y Siroedd, Stadiwm Swalec Caerdydd:
Caint (batiad cyntaf) - cyfanswm o 253-8;
Morgannwg (batiad cyntaf) - 154-1