BBC Cymru Fyw

Tân 'sylweddol' ym Mhorthcawl

Published
image copyrightLloydwilliamsphotography
image captionAr un adeg roedd tua dwy erw o laswellt ac eithin yn wenfflam

Mae criwiau tân yn dal i fynd i'r afael â thân "sylweddol" ger glan y môr ym Mhorthcawl.

Ar un adeg roedd tua dwy erw o laswellt ac eithin yn wenfflam ar y comin gyferbyn â'r rhodfa.

Mae pum injan dân o Borthcawl, Pen-y-bont, Y Bont-faen, Pen-coed a Phort Talbot wedi bod yno.

Cafodd dau dancer dŵr a dau gerbyd 4x4 eu galw i gynorthwyo.

Dywedodd Gwasanaeth Tân ac Achub De Cymru eu bod wedi eu galw i'r digwyddiad am 1:05pm.

image copyrightSouth Wales Fire and Rescue
image captionLlun o'r awyr
image copyrightPeter Morgan
image captionMae pum injan dân wedi bod yno.