Record byd newydd am ddawnsio Gangnam?

Psy dancing in Gangnam Style video
Image caption Mae fideo o'r seren bop Psy yn dawnsio Gangnam yn boblogaidd

Mae cymuned yng Nghymru yn hyderus ei bod wedi gosod record byd newydd a hynny ar gyfer dawnsio Gangnam.

Mae'r trefnwyr yn dweud bod 1,060 o bobl wedi dod i wŷl Yr Eglwys Newydd ddydd Sadwrn i ddawnsio yn y dull yma.

Mae'n ddull sydd wedi dod yn boblogaidd ar ôl i'r seren bop Psy o Korea ddawnsio fel hyn mewn fideo cerddoriaeth.

Roedd yn rhaid i o leiaf 1,000 o bobl ddod i gymryd rhan iddi fod yn record byd newydd swyddogol ac maent yn gobeithio y bydd y ffigyrau yn cael eu cadarnhau yn fuan.

Dywedodd y trefnydd Rachael Barlow: "Doedden ni ddim yn siwr os oedden ni mynd i gyrraedd y nod. Ond yn y diwedd mi wnaethon ni. Mi oedd e'n rhywbeth anhygoel i ni wireddu.

"Dw i eisiau diolch i bawb ddaeth i ymuno a'r holl bobl wnaeth helpu i wneud yn siwr bod hyn yn medru digwydd."

Busnesau lleol oedd yn noddi'r digwyddiad ac mae'r holl arian gafodd ei godi yn mynd at ysbyty canser Felindre.