BBC Cymru Fyw

Guinness yn noddi'r Pro12

Published
image copyrightHuw Evans Agency
image captionRichard Fussell (Gweilch) yn ceisio taclo Taulupe Faletau (Dreigiau)

Guinness yw noddwr newydd cynghrair y Pro12 ar gyfer tymor 2014-15 yn lle RaboDirect.

Fe ddaeth y newyddion wrth i drefn gemau'r gynghrair gael ei chyhoeddi.

Fe fydd y Scarlets yn croesawu Ulster ar benwythnos cynta'r tymor ym mis Medi, Dreigiau Casnewydd Gwent yn teithio i Connacht, y Gweilch gartref yn erbyn Treviso a Gleision Caerdydd yn mynd i Zebre.

Fe fydd cyfnod darbi'r rhanbarthau dros y 'Dolig - cyfres o gemau poblogaidd, fel arfer - yn dechrau gyda gornest rhwng y Gleision a'r Scarlets ar 19/20/21 Rhagfyr.

Yna fe fydd y Dreigiau yn teithio i Gaerdydd a'r Gweilch yn croesawu'r Scarlets ar 26/27/28 Rhagfyr.

Daw'r gemau darbi i ben ar benwythnos 2/3/4 Ionawr 2015 wrth i'r Dreigiau groesawu'r Gleision, a'r Scarlets yn teithio i herio'r Gweilch.