Michu yn ymuno gyda Napoli ar fenthyg

  • 17 Gorffennaf 2014
Michu Image copyright AFP
Image caption Sgoriodd Michu 22 o goliau yn ei dymor llawn cyntaf yn Abertawe

Mae ymosodwr Abertawe Michu wedi ymuno â Napoli ar fenthyg am flwyddyn.

Dywedodd Abertawe bod Michu wedi "cwblhau prawf meddygol yn gynharach heddiw a bydd nawr yn cysylltu gyda thîm Rafa Benitez".

Bydd cyfle i'r clwb o'r Eidal brynu'r ymosodwr ar ddiwedd y cyfnod o flwyddyn.

Ni wnaeth y Sbaenwr, 28, deithio gyda'r Elyrch ar eu taith haf i'r Unol Daleithiau oherwydd y trafodaethau.

Ymunodd Michu ag Abertawe o Rayo Vallecano yn 2012, ac ef oedd prif sgoriwr yr Elyrch yn ei dymor llawn cyntaf gan rwydo 22 o weithiau.

Fe wnaeth arwyddo cytundeb pedair blynedd yn 2013, ond ar ôl iddo ddioddef sawl anaf, nid oedd yn gallu cyrraedd yr un safon a'r tymor cyntaf hwnnw.

Mae llywydd y clwb Serie A wedi trydar neges o groeso i Michu: "Benvenuto a Michu."